IJURU MU MUGORE EPISODE 39

Amasaha abiri yari amaze gushira nicaye nitegereza ibintu igisamagwe kiri gukora byose. Gusa nabonaga nta kizima ari gukora, kandi twiyemeje kujya dukurikirana ibyo arimo byose 24/24. Nahise nsaba Crash kuza akaba ansimbuye
Nahise mfata capati yari ku meza nubwo yari yamaze gukonja nuko ndasohoka. Numvaga nkeneye kuruhuka akuka keza. Abantu bose bari bamaze gufata umwanzuro wo kuba mu cyumba cy’inama, none hamaze kuba umwuka utari mwiza kubera ahari ibyuya bitandukanye. Wasanga banasura.
Nahise nyura muri boite, ngo mbanze ndebe ko akazi kaba kari kugenda neza. Nasuhuje bamwe mu bo nzi bakunze kuhaza tumaze kumenyerana, mpa kiss abakobwa nka 3 bari bisindiye ubona iby’isi byose babiteye umugongo, nuko ninjira mu biro byanjye. Nari jyenyine noneho, ntuje kandi.

Umuziki wo muri boite wangeragaho wagabanyije urusaku, utuma numva nduhutse muri jye. Nahise nicara ku itapi negama ku ntebe, imbere yanjye hari akameza gato. Byanyibukije umunsi habuze gato ngo nivugane Maxime. Uriya muswa yari yaje afite umupango mwiza kandi kuko yumvaga ko harimo cash akumva ko ndi bubyemere. Nyamara ibyakurikiyeho ni agahomamunwa. Gusa ubu byose nabyirengagije niyemeje gufatanya na we guhirika HEAVEN nubwo bishobora kutoroha ariko niyo ntego

Nahise ntekereza kuri ya video twafashe Noella. Sacha yifuzaga ko twaba dutegereje ariko jye numvaga maze kurambirwa. Nubwo nari mbizi nanone ko kuyishyira hanze bishobora gushyira ubuzima bwa Noella mu bibazo.
Ubanza ntangiye guhinduka. Ubusanzwe ntabwo njya ngira impungenge cyangwa ngo numve ngiriye igishyika umuntu. Ku bakobwa noneho byari itandukaniro kuko barahari benshi, mfata umwe twarangiza nkamureka nkazafata undi. Ndetse ubwabo baba banyifuza nubwo baba babizi ko bizarangira vuba. None uyu we ndumva yanyinjiye mu mutwe nk’isereri. Ibi ni ibiki mwa bantu mwe?

Nahise mpaguruka njya gushaka vodka, nzana n’isigara ntangira kuritumura ari na ko ndi kubara inoti zinjiye. Nari nazibaze n’ubundi ariko numvaga nshaka gukomeza kuzumva, kuzikoraho. Izi ni imbaraga zanjye. Iyi ni imwe mu nyungu nakuye kuri iyi virusi kuko aya mafaranga yiyongereye kubera aka gakoko. Gusa nanone zari zaratumye mba undi wundi, gusa ntacyo bimbwiye wana.

Nkiri aho umuntu yarinjiye. Yari Hydra. Yanyicaye iruhande atavuga, nuko atangira kunkorakora mu mugongo. Sinari nzi icyo agamije kugeraho kuko ubusanzwe mba mbona yikundira Maxime, ariko nanone nta musore asubiza inyuma. Nanjye rero ndi umusore, ntabwo nakicuza bibaye da
Uko yakankorakoye mu mugongo, byahindutse massage ariko irimo kunkurura cyane nk’aho hari ikindi yifuza. Nikije umutima. Ese ubu agamije iki uyu mukobwa mwa bantu mwe?
Ariko nanone icyo yaba ashaka cyose ngomba kukimuha da. Nubusanzwe jyewe ndi mbarubukeye, iyo bwije simba nzi ko buri bucye, bwacya simenye ko buri bwire, kuko Leta itanyikijije ubwayo na bagenzi banjye banyirenza bashaka gusigarana ibyanjye cyangwa dupfuye business. Nubundi virusi yatumazeho abagore n’abakobwa. Ikindi, nimbikora na Hydra biramfasha kurakaza Maxime nanone kuko ndabizi na we amwemera kubi.

Nahise ndambika Hydra mu ntebe nuko ntangira kumusomagura. Yankuyemo umupira nanjye mukuramo imyenda. Nubwo ntamukunda ariko burya igitsina urakireka kikishima umutima ukaguma ukomeye. Ntabwo Hydra ari mu bakobwa nakunda, uko ateye ntabwo mbikunda.
Icya ngombwa reka muhe ibyamuzanye. Namaze kumukuramo imyenda nanjye ankuramo ipantalo na boxer ubundi igikorwa kiratangira.

Turangije naregutse ndamwitegereza aho agaramye mu ntebe. Nta na kimwe muri jye numvaga. Nta marangamutima, nta rukundo, nta kindi. Ndarongoye, ndarangiza. Birahagije. Nahise nambara nuko nsohoka mu biro. Nahise nkubitana na Maxime aje kundeba. Nahise numva indi ntego yanjye nyigezeho. Nuko ndi kuzamura imashini y’ipantalo ndamwongorera

Adam: injira, maze kugutunganyiriza ikibuga

Nabonye atari kumva neza ibyo ndi kuvuga ariko niyinjira ari busobanukirwe. Numvaga ariko naniwe, nuko nsaba itabi hafi aho maze nsohokera ku ruhande rutungukira ku gisenge cy’aho turi, iyo mpari mba nitegeye umugi wose ndi kuwureba nuko ndazamuka ndicara.

Ikirere cyari gikeye ndetse gituje nuko nicara nanjye ntuje mpumeka akuka keza gaturuka mu kirere ako kanya.

Numvise umuntu aza agana aho ndi. Ndabizi ntawundi ushobora gukeka ko naje hano uretse Sacha. Ubwo nahindukiraga koko nasanze ari we nuko araza anyicara iruhande.

Sacha: sinari nzi ko wasubukuye

None se aravuga kunywa itabi cyangwa gusubukura ibya boom, boom, ciao
Wenda ni byombi cyangwa ari kuvuga. Nazunguje umutwe nkomeza kwifatira agatabi da.

Sacha: hari hashize igihe kinini utaza hano.

Nasetsemo.

Adam: ni heza uba witegeye umugi wose

Yabanje kunyitegereza umwanya, nyuma yitegereza inyubako zituzengurutse. Byose byari biri aho nta bantu barimo. Gusa imbere kure, mu mugi, niho wanyuzagamo ukabona umwotsi mu kirere,…

Sacha: none se ya video watekereje ibyayo?

Adam: humura ntabwo nashyira cherie wawe mu bibazo

Sacha: umva, nawe urabizi neza ko atari uko bimeze.

Nahise nseka

Adam: ese Sacha, ubu hashize igihe kingana gite tuziranye koko? Ushaka kumbwira ko umuntu wemeye ko arara iwawe, nta kintu akubwiye? Sha mba mbabona nubwo nicecekera. Noneho ukuntu wemeye ko tumufasha, sha harimo akantu ntumbeshye pee

Sacha ariko urabizi ko twamuzaniwe na Maxime kandi mbona hagati yabo harimo akantu pee.

Akantu se buriya karimo ra? Nkurikije ukuntu mu gitondo batonganye niba kanarimo kahise gapfa burundu. Gusa nanone ni ibyabo sinabyivangamo jyewe sinzi ibyo gukundana rwose. Ikindi kandi Sacha mufata nk’umuvandimwe. Ariko baramutse bashwanye bapfa Noella we na Maxime numva byaryoha byaba binashekeje. Mbese nka kwa kundi tucyiga secondaire abatype babiri bapfaga umukobwa ubundi tukababwira gukomana utsinzwe agaharira uwamunesheje.

Adam: Ahubwo nyibwirira. Umubona ute?

Sacha: sinzi gusa mbona atandukanye n’abandi pee. Aratsimbarara kandi muri we harimo gutabara, agatabara isi.

Adam: nyine ni akagoryi k’Imana nta kindi kidasanzwe wana

Sacha: siko mbibona jyewe. Iyo murebye mu maso mba mbona yaraciye mu bihe bibi bikomeye.

Sacha ni ubwa mbere mubonye ameze atya, ubanza yarakunze.

Adam: umva mwana. Jyewe ndashyiraho utu bule 200, uriya mukobwa nzamurye agaturu kihuse.

Nabivuze nshaka kureba uko amera, sinari nkomeje. Ariko nabaye nkivuga ayo magambo mbona abaye nk’ufashwe n’amashanyarazi. Nibwo nahise mbona koko ko harimo akantu. Gusa yahise ahindura intego ariko nari mbizi ko yitaye mu mutego atabizi

Sacha: ahubwo mfite agatekerezo keza

Nahise mureba

Sacha: uzakundana n’uriya mukobwa bwa mbere azaba atsinzwe, azishyura undi ibihumbi 400, cash.

Nahise nseka. Ndabizi neza aha nijye nzatsinda kuko ntabwo numva ndagera mu gihe cyo gukunda umukobwa rwose. Noneho igisamagwe? Gisamagwe sinamukunda rwose pee. Aya yo ndayabaze yinjiye mu yandi

Adam: sawa ndabyemeye. Ahubwo ba utegura ATM card kuko vuba aha urajya kubikuza ayanjye.

Yaramwenyuye, turahoberana. Ndamukunda nk’umuvandimwe

Mbega Hydra. Ni nzakibakwiza pee. Hagati aho, intego irakozwe. Ese ni nde uzayatwara? Agace ka 40 ntikazagucike