Abayobozi bakuru b’ishyaka ry’Abarepubulikani barashinja Abademokarate, cyane cyane Perezida Biden gukongeza umwuka mubi wavuyemo kugabwaho igitero kwa Donald Trump kuwa Gatandatu, itariki ya 13 Nyakanga 2024, ubwo yiyamamazaga muri Pennsylvania ariko akarokoka n’igikomere gito ku gutwi.
Kuba Perezida Joe Biden kimwe n’abayobozi benshi ba politiki bo muri Amerika ndetse no mu mahanga (umwe mu baheruka ni Umunyamabanga Mukuru w’Umuryango w’Abibumbye, Antonio Guterres), bamaganye iraswa rya Donald Trump mu ntibyabujije, abayobozi benshi b’Abarepubulikani guhita bashinja perezida w’Umudemokarate: kuri benshi begereye Donald Trump, ntagushidikanya ko Abademokarate ari bo bashishikarije uwarashe kugira icyo ikora, nk’uko umunyamakuru wa RFI i Miami, David Thomson abitangaza.
Kuri J. D. Vance, umusenateri wo muri Ohio, ngo ni amagambo ya Joe Biden “yatumye mu buryo butaziguye kugerageza ubwo bwicanyi, kuko agaragaza Trump nk’Umufasciste ugomba guhagarikwa uko byagenda kose. »
Ati: “Ntabwo ari ibintu byonyine uyu munsi. Intego nyamukuru yo kwiyamamaza kwa Biden ni ukugaragaza ko Perezida Trump ari umufasciste w’umunyagitugu ugomba guhagarikwa uko byagenda kose. Iyi mvugo yat3ye mu buryo butaziguye umugambi wo ugerageza kwica Perezida Trump, ”
Umudepite Mike Collins we yanditse ati: “Joe Biden yohereje amabwiriza.”
“Bagerageje kumushyira muri gereza. Bagerageje kumwica. Ibi ntibizagenda neza, ” uyu ni Guverineri wa Texas, Greg Abbott, wagize ati:” ntashobora gutsindwa. “
Uwahoze ari umukandida ku mwanya wa perezida, rwiyemezamirimo w’Umurepubulikani, Vivek Ramaswamy, yavuze ko kuba Joe Biden yabyamaganye “bidahagije.”
